ՀԱՆՁՆԱԺՈՂՈՎ
Հանձնաժողովի պատվավոր անդամները մրցույթի անաչառ, արդար և թափանցիկ արդյունքների երաշխավորներն են:
Ալեքսանդր Լիբրայխ
Դիրիժոր
Վալենսիայի նվագախմբի երաժշտական ղեկավար, Palau de la Musica Valencia-ի գեղարվեստական խորհրդատու, Ռիչարդ Շտրաուսի միության նախագահն ու Գարմիշ-Պարտենկիրխենի Ռիխարդ Շտրաուսի փառատոնի գեղարվեստական ղեկավարն է։
Պրահայի ռադիոյի սիմֆոնիկ նվագախմբի գլխավոր դիրիժոր և գեղարվեստական ղեկավար (2018-2022), Լեհաստանի ազգային ռադիոյի սիմֆոնիկ նվագախմբի (NOSPR) գլխավոր դիրիժոր և գեղարվեստական ղեկավար (2012-2019)։ Մյունխենի կամերային նվագախմբի դիրիժոր (2006–2016)։
2015-2018 թվականներին եղել է «Katowice Kultura Natura» փառատոնի գեղարվեստական ղեկավարը: Այդ ընթացքում փառատոնին հրավիրվել են Եվրոպայի լավագույն նվագախմբերը, անսամբլները և մենակատարները, այդ թվում՝ Մալերի կամերային նվագախումբը, Բուդապեշտի փառատոնի նվագախումբը, Ցյուրիխի Tonhalle նվագախումբը և Բեռլինի հնագույն երաժշտության ակադեմիան, Լեյֆ Օվե Անդսեսը, Անդրաս Շիֆը, Բեջուն Մետան, Ստեֆանո Բոլլանի, Artemis քառյակը և Ebène քառյակը։
2006-2016 թվականներին զբաղեցրել է Մյունխենի կամերային նվագախմբի գեղարվեստական ղեկավարի և գլխավոր դիրիժորի պաշտոնը։
Նրանց առաջին համատեղ ձայնասկավառակը, որում զետեղված են Ջոզեֆ Հայդնի և Իսանգ Յունի ստեղծագործությունները, թողարկվել է 2008թ. հունվարին արժանանալով քննադատների մեծ գնահատանքին: Տիգրան Մանսուրյանի «Ռեքվիեմ»-ի ECM Classics թողարկումը RIAS Kammerchor-ի հետ 2018 թվականին առաջադրվել է Գրեմմի մրցանակի և արժանացել ICMA Award 2018-ին՝ «Ժամանակակից երաժշտություն» անվանակարգում։
