ՀԱՆՁՆԱԺՈՂՈՎ
Հանձնաժողովի պատվավոր անդամները մրցույթի անաչառ, արդար և թափանցիկ արդյունքների երաշխավորներն են:
Ռոբերտ Մլքեյան
Խմբավար
Ռոբերտ Մլքեյանը ՀՀ արվեստի վաստակավոր գործիչ է, Մովսես Խորենացի մեդալակիր, Հայրենիքին մատուցած ծառայությունների համար ՀՀ երկրորդ աստիճանի մեդալակիր:
1984-1986 թթ.-ին ղեկավարել է Կոմիտասի անվան կոնսերվատորիայի կոմպոզիցիայի և երաժշտագիտական ամբիոնի ուսանողների երգչախումբը, 1988- 1992 թթ.-ին` Կոնսերվատորիայի երիտասարդական երգչախումբը: 1992-2000 թթ.-ին եղել է Գյումրու պետական սիմֆոնիկ նվագախմբի և Գյումրու կամերային երգչախմբի, 1995 թ.-ից` «Հայ ֆոլկ» վոկալ անսամբլի (հիմնադիր), իսկ 2000 թ.-ից` Հայաստանի պետական կամերային երգչախմբի գեղարվեստական ղեկավարն ու գլխավորն դիրիժորը:Աշխարհահրչակ ECM ձայնագրման ստուդիայի հետ թողարկել է ARS POETICA ձայներիզը: Հյուրախաղերով ելույթներ է ունեցել աշխարհի մեծագույն բեմերում` Լոնդոն, Փարիզ, Լիոն, Մարսել, Ժնև, Բրյուսել, Հալեպ, Դամասկոս, Լաթակիա, Թբիլիսի, Մոսկվա, Սանկտ-Պետերբուրգ, Հանովեր, Ֆրանկֆուրտ, Ստրասբուրգ, Լոս Անջելես, Դրեզդեն և այլն:
