ՀԱՆՁՆԱԺՈՂՈՎ
Հանձնաժողովի պատվավոր անդամները մրցույթի անաչառ, արդար և թափանցիկ արդյունքների երաշխավորներն են:
Ալեքսանդր Ռուդին
Դիրիժոր, թավջութակահար, դաշնակահար
Ալեքսանդր Ռուդինը համաշխարհային ճանաչում ունեցող թավջութակահար է, դիրիժոր, դաշնակահար, կլավեսինահար, Մոսկվայի պետական կոնսերվատորիայի պրոֆեսոր, կամերային գործերի` նվագախմբերի համար նախատեսված մշակումների, ինչպես նաև երաժշտական յուրատեսակ թեմատիկ շարքերի հեղինակ:
1988 թ.-ից երաժիշտը մոսկովյան Musica Viva կամերային նվագախմբի գեղարվեստական ղեկավար և գլխավոր դիրիժորն է:
Ռուդինը հաճախակի շրջագայում է հյուրախաղերով։ Որպես մենակատար և դիրիժոր՝ մասնակցել է Les Pianos Folies (Ֆրանսիա) և La Follе Journée (Ֆրանսիա, Իսպանիա, Ճապոնիա) միջազգային փառատոներին, իսկ մենահամերգներով ներկայացել է Գերմանիայում, Ֆինլանդիայում, Նիդեռլանդներում, Կանադայում, Մեծ Բրիտանիայում, Հունգարիայում, Սլովենիայում, Թուրքիայում և այլուր:
Ռուդինի դիսկոգրաֆիան ներառում է ավելի քան երեսուն սկավառակ, որոնք թողարկվել են առաջատար ռուսական և միջազգային ձայնագրման պիտակների կողմից (Naxos, Olympia, Tudor, Melodiya, Cello Classics, Russian Season, Russian Disc, RCD):
